Kenteliet eo bet e skol sonerien daou-ha-daou (biniou kozh-bombard) e kevredigezh « Sonerien ha Kanerien Vreizh » e Sant-Brieg gant Michel Pinc soner eus an dibab ha kensoner Bernard Kerboeuf (kouplad brudet e Breizh). Goude-se eo deuet da vezañ diskibl aketus Andre Thomas (Skedus) bet meur a wech kampion BREIZH sonerien daou-ha-daou.

Da gentañ e veze o c’hoari gant Yann-Herri Ar Gwicher (bremañ fleüter e STROBINELL), da c’houde eo aet d’ober kenstrivadegoù sonerien er festoù-noz gant Yann-Herri hag ivez koñparsed all : Jil Lehart, Gael Rolland, Didier Durassier, Youenn Peron, Marius, Andre Thomas, Hag all.

Sevel a ra strollad STROBINELL e 1984 gant Yann-Herri Ar Gwicher. Meur a don dañs hag a ganaouenn zo bet savet gantañ evit STROBINELL evel-just, met ivez evit strolladoù all a live uhel e-giz BARZAZ KORNOG, hag all.

Kemer a ra perzh e holl pladennoù strollad STROBINELL

Yaouankik eo Yann-Herri Ar Gwicher pa vez dizoloet gantañ sonerezh ha sevenadur Breizh. Kregiñ a ra da zeskiñ c’hoari bombard ha war-lerc’h biniou kozh (benveg hengounel e Breizh). Mont a ra neuze dre ar vro da seniñ evit ar festoù-noz. Un nebeut bloavezhioù da c’houde endro nevez sonerezh Breizh a ro da Yann-Herri tommañ d’ur benveg nevez « fleüt dreuz koad eben »

War-lerc’h bout studiet doareoù ar benveg-se gant skoazell J. M. Veillon, fleüter brudet e Breizh hag er bed a-bezh, e sav gant skoazell Patrig Ar Balc’h ar strollad STROBINELL e 1984. ’e heul e kemero perzh er festoù-noz ha sonadegoù, gant tonioù ha kanaouennoù hengounel ha re nevez-savet, e Breizh hag er bed. Abaoe 2000 e son ivez gant tin ha low whistles ha c’hoazh gant biniou-bras tredan.

Gant ar pladennoù enrollet betek-hen gant ar strollad STROBINELL e kemer-eñ perzh evit ober ur CD, da heul Philippe Turbin ouzh ar piano, ganto fleüterien all a vro DREGER (Gwalarn Aodoù an Arvor)

Emañ Riwall Ar Menn eus ar sonerien a liamm en o buhez bemdeziek sonerezh Breizh ha sevenadur Breizh.

Anavezet eo-eñ war dachenn sevenadurel Breizh evit bout savet kevredigezh kreizennoù a zudi e brezhoneg evit bugale, DUDI, o anv. Kemeret en deus perzh ivez evit sevel sindikad studierien Vreizh DAZONT, ha kenlabouret evit abadennoù skinwel ha skingomz e brezhoneg, tro ha tro aktour, produktour ha buhezour.

Brezhoneger a vihan, abred-tre eo bet dedennet bras gant sonerezh Breizh.   (Kenlabouret en doa e dad-kozh da sevel ar bagadoù kentañ e Breizh)
Yaouankik e oa c’hoazh pa veze war al leurenn gant e c'hitar o seniñ tonioù ar c’hanaouennoù kanet gant bugale DIWAN (Skolioù divyezhek brezhoneg-galleg)

Mont a ra 'barzh strollad STROBINELL e 1985, kemer a ra perzh e holl enrolladennoù pladennoù, hag abaoe e ra gant un doare-seniñ "digor" (Open tuning)