Tri soner eus Bro Sant-Brieg a ya d'ober ar strollad-mañ hag a zo gouestlet da sonerezh ha kanouennoù Breizh. Sonet e vez gante meur a don dañs eus Breizh-Uhel ha Breizh-Izel, hag ivez meur a don eus ar c'hentañ savet gante. Heñchet hag awenet eo STROBINELL gant sonerezh ar c'houpladoù biniou-u-bombard.Ouzhpenn an tonioù dañs ez eus tonioù bale ha sonennoù ken boemus an eil hag egile. Diazezet eo ken mat mat ar sonerezh hengounel gante ha kement a skiant-prenet o deus evit ar pezh a sell ouzh seniñ daou-ha-daou me 'z eo bet kemeret lod eus o c'hrouidigezhioù gant strolladoù e-touez ar re wellañ evel Pennoù Skoulm, Kornog ha Barzaz. O sonioù, o doare da c'hoari, o startijenn, o labour sirius hag o imor vat, setu ar pezh a ra eo STROBINELL ur strollad priziet bras hag a-vremañ, da vat.
Savet e oa e 1985, ha gounezet gante priz kentañ Kan Ar Bobl e 1986 ! Ar strollad-mañ a vez pedet ivez alies da vont da seniñ er broioù estren (gwelet troiadoù).